"Ayaks"ın qapıçısı Andre Onana Hollandiya Erediviziyasının XVII turunda "Utrext"ə 3:1 hesabı ilə qalib gəldikləri oyun zamanı petardadan zərər çəkib.
Sportnet.az-ın məlumatına görə, insident 60-cı dəqiqədə hesab 2:0 olduğu vaxt baş verib. Azarkeşlərin meydana atdıqları petarda Onananın ayaqları altında partlayıb. İlk anda qolkiper qorxsa da, tezliklə özünə gələrək, görüşü sona çatdırıb.
Bu qələbədən sonra "Ayaks" 46 xalla 2-ci pillədə yer alıb və lider PSV-dən 2 xal geri qalır. 28 xala malik "Utrext" isə 4-cüdür.
Qeyd edək ki, Andre Onana "Ayask"a 2015-ci ilin yanvarında İspaniya "Barselona"sından 150 min avroya keçib. Bu mövsüm 22 yaşlı qapıçı 17 oyuna 7 top buraxıb.
