Topaz Premyer Liqasında I dövrənin yekunu "Simurq” üçün uğurlu olub. Sportnet.az-ın məlumatına görə, Zaqatala təmsilçisi doğma azarkeşləri önündə "Araz Naxçıvan”ı 4:0 hesabı ilə məğlub edib.
"Simurq"un baş məşqçisi George Çixradze qələbəyə belə şərh verib: "Bu gün çox yaxşı oynadıq. Futbolçular verilən tapşırıqları yerinə yetirdilər. Rəşad Eyyubovu 3 qol vurması münasibəti ilə təbrik edirəm. İlk hissədə top itirsə də, sonradan het-trik edib yaxşı hücumçu olduğunu nümayiş etdirdi. Azarkeşin istəyi çox qol görməkdir. Biz də bunun üçün çalışdıq. Çempionatda bütün rəqiblər güclüdür. Biz bu oyunu unudub, qarşıdakı matçlara hazırlaşmalıyıq”.
