"Yorğunluğun fonunda oynamaq çətindir. Bununla belə, komandamızın üzvləri xarakter göstərdilər. Məşqçinin tapşırıqlarını yerinə yetirib qələbə qazandıq".
Sportnet.az xəbər verir ki, bunu "Neftçi"nin futbolçusu Məhəmməd Mirzəbəyov Türkiyənin Antalya bölgəsində Rumıniya "Qaz-Metan"ını 3:0 hesabı ilə yendikləri yoxlama oyunundan sonra klubun rəsmi saytına açıqlamasında deyib. Təcrübəli müdafiəçi komandadakı gənclərin özlərini yaxşı tərəfdən göstərdiklərini bildirib: "Bu gün Əli Şirinov iki qol vurdu. Gənc futbolçu üçün bu, asan deyil. Ona uğurlar və öz üzərində daha çox işləməyi arzulayıram. Bəlkə də bizi qarşıda çətin yol gözləyir. Çalışıb, bu yolu birlikdə keçməliyik”.
