Türkiyənin Antalya bölgəsində təlim məşq toplanışında olan "Səbail" klubu növbəti yoxlama oyununu keçirib.
Sportnet.az xəbər verir ki, Aftandil Hacıyevin baş məşqçi olduğu komanda Braziliyanın C Seriyasında çıxış edən "Raça Sport Klub"la üz-üzə gəlib.
Qarşılaşma qəsəbə təmsilçisinin 3:1 hesablı qələbəsi ilə yekunlaşıb. "Səbail"in heyətində 15-ci və 80-ci dəqiqələrdə Orxan Qurbanlı, 44-cü dəqiqədə isə Aqşin Qurbanlı fərqlənib.
Paytaxt təmsilçisinin Qazaxıstan "Kaysar"ı ilə görüşü isə dolu səbəbindən ləğv olunub. Oyun 20-ci dəqiqədə dayandırılıb.
Qeyd edək ki, "Səbail" əvvəlki görüşlərində Macarıstan "Aqvital"ına 3:2, Ukrayna "Desna"sına 2:1 hesabı ilə qalib gəlib və İsveçrə "Sürix"i ilə heç-heçə edib - 1:1.
-----------------------------------------
Türkiyənin Antalya bölgəsində təlim-məşq toplanışında olan "Səbail" komandası bu gün iki yoxlama matçı keçirəcək.
Sportnet.az-ın məlumatına görə, Aftandil Hacıyevin baş məşqçi olduğu kollektiv əvvəlcə Braziliyanın C Seriyasında çıxış edən "Raça Sport Klub"la üz-üzə gələcək. Lara qəsəbəsindəki "Miracle" otelinin futbol meydanında təşkil olunacaq qarşılaşma Bakı vaxtı ilə saat 12:00-da başlanacaq.
Saat 16:30-da isə rəqib Qazaxıstan "Kaysar"ı olacaq. Kızılorda şəhərini təmsil edən komanda ötən mövsümü 33 oyundan 45 xalla 5-ci pillədə başa vurub. "Kaysar"la qarşılaşma Belekdəki "Kaya" otelinin futbol meydanında təşkil olunacaq.
Qeyd edək ki, əvvəlki görüşlərində "Səbail" Macarıstan "Aqvital"ına 3:2, Ukrayna "Desna"sına 2:1 hesabı ilə qalib gəlmiş "Səbail" İsverə "Sürix"i ilə heç-heçə edib - 1:1.
Yoxlama oyunu
24 yanvar
12:00. "Səbail" - "Raça Sport Klub" (Braziliya) - 3:2
Qol: Orxan Qurbanlı, 15; 80 Aqşin Qurbanlı, 44
Lara, "Miracle" otelinin futbol meydanı
16:30. "Səbail" - "Kaysar" (Qazaxıstan) 0:0 (matç 20-ci dəqiqədə dayandırılıb və ləğv olunub)
Belek, "Kaya" otelinin futbol meydanı
