Əfsanəvi braziliyalı futbolçu Pelenin oğlu Edson Nasimentu 33 il həbs cəzasına məhkum edilib. Sportnet.az-ın BBC-yə istinadən məlumatına görə, səbəb onun narkotiklərin qanunsuz dövriyyəsindən gələn pulları "yuması" olub.
Nasimentu ilk dəfə 2005-ci ildə həbs olunub. O, narkotiklərin qanunsuz dövriyyəsi ilə məşğul olduğu üçün cəzasını çəkib. Məhkum çoxdan belə maddələri qəbul etdiyini, amma narkotik ticarəti ilə məşğul olmadığını açıqlayıb.
Qeyd edək ki, Nasimentunun məhkəmənin qərarından şikayət hüququ var.
