"Bakı”nın prezidenti Hafiz Məmmədov klubun Futbol Akademiyasının yetirmələri ilə görüş keçirib. Sportnet.az-ın klubun rəsmi saytına istinadən məlumatına görə, xoş əhval-ruhiyyədə keçən söhbət zamanı Məmmədov onların məşq prosesləri, şəraitləri və sosial durumları ilə maraqlanıb.
Ardından o, məhz bu nəslin nümayəndələrinin gələcəkdə "Bakı”nın əsasını təşkil edəcəklərini vurğulayıb. Eyni zamanda Məmmədov futbolçulara gələcək oyunlarda uğurlar arzulayıb.
