"Sumqayıt" klubu baş məşqçisi Aqil Məmmədovla müqaviləni yeniləyib. Sportnet.az-ın klub saytına istinadən məlumatına görə, 42 yaşlı mütəxəssis daha bir il komandasında qalacaq.
Qeyd edək ki, Aqil Məmmədov 2011/12 mövsümündə "Sumqayıt”da futbolçu kimi çıxış edib. Azərbaycan millisinin sabiq yarımmüdafiəçisi 2012-ci ilin yanvarında karyerasını rəsmən bitirib və əvəzedici komandaya köməkçi məşqçi təyin olunub. Sumqayıt şəhərində anadan olan və Sumqayıt futbol məktəbinin yetirməsi olan Məmmədov 2012/13 mövsümündə əsas komandada Bernhard Raabın köməkçisi olub. O, 2013/2014 mövsümündən isə "Sumqayıt"ın baş məşqçisidir.
