Azərbaycan Premyer Liqasında XIII turun daha bir oyunu keçirilib.
Sportnet.az-ın məlumatına görə, "ASCO Arena"da "Səbail" və "Neftçi" klubları üz-üzə gəlib. Görüş qolsuz bərabərliklə yekunlaşıb - 0:0. 81-ci dəqiqədə meydan sahibləri real qol imkanından yararlana bilməyiblər. Ağabala Ramazanovun yerinə yetirdiyi zərbə qapı çatına tuş gəlib.
Bununla da "Neftçi" 22 xalla 3-cü, "Səbail" isə 12 xalla sonuncu pillədə qalıb.
Qeyd edək ki, turun ilk iki oyununda "Qəbələ" "Zirə"yə 3:0, "Keşlə" "Sumqayıt"a 2:1 hesabı ilə qalib gəlib. Son oyun dekabrın 2-də "Bank Respublika Arena"da "Sabah" və "Qarabağ" arasında olacaq.
---------------------
Bu gün Azərbaycan Premyer Liqasında XIII turun daha bir oyunu keçiriləcək.
Sportnet.az-ın məlumatına görə, "ASCO Arena"da "Səbail" və "Neftçi" klubları üz-üzə gələcək. Hər iki komanda ilk oyun günündən sonra itirilmiş mövqelərini geri qaytarmaq üçün meydana çıxacaq. Hazırda "Neftçi" 21 xalla 3-cü, "Səbail" isə 11 xalla sonuncudur. Meydan sahibləri qalib gəlsələr, 6-cı, qonaqlar qələbə qazansalar, 2-ci pilləyə yüksələcəklər.
Bu, iki kollektivin 10-cu "duel"i olacaq. Əvvəlki qarşılaşmalardan 2-də "Səbail", 6-da "Neftçi" üstün olub, daha 1 matçda qalib müəyyənləşməyib. Topların nisbətində də ağ-qaralar" öndədirlər - 20:7. “Neftçi” son 8 matçda meydanı qol vurmadan tərk etməyib. “Səbail” isə evdə 3 oyundur qalib gəlmir.
Azərbaycan Premyer Liqası, XIII tur
1 dekabr (bazar)
15:00. “Səbail” – “Neftçi” - 0:0
İstifadə olunmamış penalti: Ağabala Ramazanov, 81 ("Səbail", qapı çatı)
Hakimlər: Orxan Məmmədov, Namiq Hüseynov, Rahil Ramazanov, Rauf Allahverdiyev
Hakim-inspektor: Fariz Yusifov
AFFA nümayəndəsi: Rüfət Əmirov
“ASCO Arena”
Qeyd edək ki, turun ilk iki oyununda "Qəbələ" "Zirə"yə 3:0, "Keşlə" "Sumqayıt"a 2:1 hesabı ilə qalib gəlib. Son oyun dekabrın 2-də "Bank Respublika Arena"da "Sabah" və "Qarabağ" arasında olacaq.
