Türkiyənin I Liqasında mübarizə aparan "Ankaraspor” klubu Azərbaycan millisinin və "Neftçi”nin futbolçusu Elvin Yunuszadəni heyətinə qatmaqdan imtina edib. Bu barədə Sportnet.az-a komandanın baş məşqçisi Osman Özköylü məlumat verib.
Təcrübəli mütəxəssisin sözlərinə görə, Yunuszadəni yaxşı tanımadığı üçün ondan imtina edib: "Bir menecer bizə Azərbaycandan bəzi futbolçuları təklif etmişdi. O siyahıda Yunuszadənin də adı var idi. Biz isə istəmədik. Mən demirəm ki, bəyənmədik. Sadəcə, Yunuszadəni elə də yaxşı tanımıram. Adını eşitmişdim, amma oyununu izləməmişəm. Mən hazırda tanıdığım futbolçularla maraqlanıram”.
Qeyd edək ki, ötən gün Elvin Yunuszadə Sportnet.az-a müsahibəsində Türkiyənin Superliqa klublarından təklif aldığını deyib.
