Futbol üzrə Azərbaycan Kubokunda bütün yarımfinalçılar müəyyənləşib.
Sportnet.az-ın məlumatına görə, 1/4 final mərhələsinin son cavab matçında "Keşlə" "Qarabağ"ı qəbul edib. "ASCO Arena"da keçirilən qarşılaşma Ağdam təmsilçisinin 3:1 hesabı qələbəsi ilə yekunlaşıb.
Görüşdə hesab 20-ci dəqiqədə açılıb. Mahir Emreli komandasını önə keçirib. 40-cı dəqiqədə isə Xayme Romero "Keşlə"ni yenidən mərkəzə dəvət edib. 67-ci dəqiqədə Xəzər Mahmudov fərqi azalda bilib. 90+2 dəqiqədə Toral Bayramlı fərqi daha da artırıb.
İlk görüşdə 1:0 hesablı qələbə qazanan "Qarabağ" yarımfinala yüksəlib. Son ölkə çempionu bu mərhələdə "Sumqayıt"la üz-üzə gələcək. Digər yarımfinalda isə "Zirə" və "Qəbələ" komandaları qarşılaşacaqlar. Bu mərhələnin oyunları 22 - 29 apreldə keçiriləcək.
-----------------+++---------
Füzrə Azərbaycan Kubokunda daha bir yarımfinalçı müəyyənləşib.
Sportnet.az xəbər verir ki, bu, "Sumqayıt" komandasıdır. Ayxan Abbasovun rəhbərlik etdiyi kollektiv buna evdə "Neftçi"yə qarşı keçirdiyi 1/4 final mərhələsinin cavab oyununda qolsuz heç-heçə etməklə nail olub.
Səfərdə baş tutan ilk matçda 1:0 hesabı ilə qalib gələn Sumqayıtın eyni adlı təmsilçisi yoluna davam edib.
Qeyd edək ki, bunadək "Zirə" və "Qəbələ" növbəti raunda vəsiqə qazanaraq ilk yarımfinal cütünü təşkil ediblər. "Sumqayıt"ın rəqibi isə "Keşlə" - "Qarabağ" cütünün qalibi olacaq.
----
Bu gün Azərbaycan Kubokunda 1/4 final mərhələsinin son 2 cavab oyunu keçiriləcək.
Sportnet.az-ın məlumatına görə, əvvəlcə "Sumqayıt" və "Neftçi" komandaları "Kapital Bank Arena"da üz-üzə gələcək. Bu, iki komandanın kubokda dördüncü qarşılaşması olacaq. Ötən mövsüm flaqman evdəki ilk görüşündə 0:2 hesabı ilə uduzmuşdusa, bu dəfə minimal fərqlə yenilib - 0:1. Yenə mübarizəni dayandırmamasından ötrü "ağ-qaralar" cavab qarşılaşmasında ən azı 2 qol vuraraq qələbə qazanmalıdır.
İki komanda arasındakı görüşlərdə hər iki komanda səfərdə qalib gəlib, evdə oynayan tərəf isə qol vurmayıb. "Sumqayıt" 2, "Neftçi" 1 qələbə qazanıb. Topların nisbətində "gənclik şəhəri" təmsilçisi öndədir - 3:1.
Son qarşılaşmada isə "Keşlə" "ASCO Arena"da "Qarabağ"la görüşəcək. Bu, iki komanda arasında 11-ci oyun olacaq. Əvvəlki matçların 6-da Ağdam, 2-də paytaxt komandası qələbə qazanıb. Topların nisbətində əyalət təmsilçisi ikiqat öndədir - 12:6. Noyabrın 16-da keçirilmiş ilk matçda "Qarabağ" minimal hesabla qalib gəlib - 1:0. Keşlə" cavab oyununda azı 2 top fərqi ilə qələbə qazanmalıdır ki, yarımfinala adlaya blsin.
Qeyd edək ki, əvvəlki iki 1/4 final görüşlərindən "Zirə" və "Qəbələ" komandaları qalib ayrılıblar. İlk yarımfinalda bu klublar üz-üzə gələcəklər. Digər yarımfinal cütünün tərkibi isə bu gün mərhələ adlayan komandalardan ibarət olacaq.
Azərbaycan Kuboku
1/4 final, cavab görüşləri
20 dekabr (cümə)
17:00. “Sumqayıt” – “Neftçi” - 0:0
Hakimlər: Rəvan Həmzəzadə, Cəmil Quliyev, Vüqar Bayramov, Rəşad Əhmədov
Hakim-inspektor: Ramil Diniyev
AFFA nümayəndəsi: Mübariz Hüseynov
“Kapital Bank Arena”
20:00. “Keşlə” – “Qarabağ” - 1:3
Qol: Xəzər Mahmudov, 67 - Mahir Emreli, 20. Xayme Romero, 40. Total Bayramlı, 90+2
Hakimlər: Rauf Cabarov, Elşad Abdullayev, Müslüm Əliyev, Orxan Məmmədov
Hakim-inspektor: Şahin Cəfərov
AFFA nümayəndəsi: Elgiz Abbasov
“ASCO Arena”.
