UEFA Çempionlar Liqasında 1/8 final mərhələsinə start verilib.
Sportnet.az-ın məlumatına görə, bu gecə İspaniya və Almaniyada iki görüş keçirilib. Madriddəki "Vanda Metropolitano" stadionunda "Atletiko" turnirin son qalibi İngiltərə "Liverpul"unu qəbul edib. Görüş meydan sahiblərinin 1:0 hesablı qələbəsi ilə yekunlaşıb. Yeganə qolu 4-cü dəqiqədə Saul Nyiges vurub.
Dortmunddakı "Siqnal İduna Park"da isə "Borussiya" ilə Fransa PSJ-si üz-üzə gəlib. Görüşün ilk yarısında hesab açılmayıb. Qollar isə ikinci hissənin sonlarına doğru vurulub. 68-ci dəqiqədə meydan sahiblərindən Erlinq Holann hesabı açıb. 76-cı dəqiqədə Neymar bərabərlik qolunu vursa da, 78-ci dəqiqədə Holann yenidən fərqlənərək, yekun nəticəni müəyyənləşdirib - 2:1.
Qeyd edək ki, cavab qarşılaşmaları martın 11-də keçiriləcək.
-------------------
Bu gün UEFA Çempionlar Liqasında 1/8 final mərhələsinə start veriləcək.
Sportnet.az-ın məlumatına görə, ilk oyun günündə iki qarşılaşma baş tutacaq. Turnirin son çempionu İngiltərə "Liverpul"u İspaniyada "Atletiko"nun qonağı olacaq.
Madrid təmsilçisinin heyətində Kiran Trippye və Ektor Errera zədə səbəbindən görüşü buraxacaq. Hücumçular Joao Feliks və Dieqo Kostanın iştirakı isə sual altındadır. Qonaqlarda isə Cerdan Şakiri zədəlidir, aparıcı futbolçu Sadio Manenin durumu isə bəlli deyil.
Günün digər matçında "Borusiyya" (Dortmund) Almaniyada Fransa PSJ-sini qəbul edib. Hər iki komanda meydana itkilərlə çıxacaq. Meydan sahinlərinin əsas futbolçularından Marko Roys və Tomas Deleney zədəlidir. Yulian Brandtın durumu oyun vaxtı bəlli olacaq. Paris klubunda Abdu Diallo, Kolin Daqbanın zədə səbəbindən matçda iştirak etməyəcəyi dəqiqdir. Kimpembe və Neymarın durumu isə bilinmir.
Komandalar arasındakı cavab oyunları martın 11-də olacaq.
24:00. "Atletiko" (Madrid, İspaniya) - "Liverpul" (İngiltərə) - 1:0
Qol: Saul Nyiges, 4
Baş hakim: Şimon Marçinyak (Polşa)
"Vanda Metropolitano"
24:00. "Borussiya" (Dortmund, Almaniya) - PSJ (Fransa) - 2:1
Qollar: Erlinq Holann, 68; 78 - Neymar, 76
Baş hakim: Mateo Laos (İspaniya)
“Siqnal İduna Park”
