"İvaylo Petev yaxın günlərdə Azərbaycanda olacaq. Hazırda viza məsələsini həll edir. Azərbaycana girişinə icazə verildikdən sonra, Qəbələyə gələcək. Yaxın 2-3 gün ərzində məsələ həllini tapmalıdır”. Bu sözləri Sportnet.az-a "Qəbələ”nin meneceri Səbuhi Səfiyarlı deyib.
Klub rəsmisi Petevlə 2 illik müqavilə imzalanacağını bildirməklə yanaşı, bolqarıstanlının köməkçilərinin də böyük ölçüdə kimliyinə aydınlıq gəldiyini bildirib: "Özü ilə 2 köməkçi gətirəcəyi gözlənilir. Böyük ehtimalla bunlardan biri serb olacaq. Yerli mütəxəssislərə gəlincə, Dmitri Kramarenko və Sənan Qurbanov komandadakı işlərini davam etdirəcəklər”.
