"Neftçi” klubunun kapitanı Rəşad Sadiqov komandadan gedəcəyi ilə bağlı iddialara münasibət bildirib. Sportnet.az-a danışan 31 yaşlı yarımmüdafiəçi heç bir klubdan təklif almadığını deyib.
Sadıqov bu barədə rəhbərliyin qərar verəcəyini bildirib: "Hazırda "Neftçi” ilə 1 illik müqaviləm var. Komandadan ayrılıb-ayrılmayacağımı hələ bilmirəm. Ola bilər kluba təkliflər gəlsin, amma mən hələ heç kimlə danışmamışam. Klubumuzun prezidenti Sadıq Sadıqov istəyərsə, qalıb, can-başla oynayaram. Əks halda başqa komandaya da gedərəm. Mənə heç kim deməyib ki, səni komandada görmək istəmirik”.
