"Oyunçularım var gücü ilə oynadılar". Sportnet.az-ın məlumatına görə, bunu "Bakı"nın baş məşqçisi İbrahim Uzunca "Xəzər Lənkəran"la Topaz Premyer Liqasının XVI tur matçından sonra deyib.
Futbolçularının istəyindən məmnun qaldığını deyən türkiyəli mütəxəssis heyətdəki gənclərin Azərbaycan futboluna gələcəkdə çox xeyir verəcəklərini bildirib. O, qazandıqları 1 xaldan sevincini gizlətməyib: "Bu oyunda qələbə qazanmaq ehtimalımız vardı. Məğlub ola da bilərdik. Bir xal qazandıq. Buna görə şadam. Oyunçularımı təbrik edirəm”.
Qeyd edək ki, "Bakı" - "Xəzər Lənkəran" matçı qolsuz tamamlanıb - 0:0.
