"İlk növbədə "Qarabağ”ı Avropa Liqasındakı uğurlarına görə təbrik edirəm. Çempiona qarşı oynadıq". Sportnet.az-ın məlumatına görə, bu sözləri Topaz Premyer Liqasının XVI turunda "Qarabağ"i 2:1 hesabı ilə məğlub edən "Qəbələ"nin məşqçisi Sənan Qurbanov deyib.
O, "Qarabağ"a qarşı oyunda layiqli oyun nümayiş etdirən futbolçularına təşəkkür edib:
Futbolçularıma təşəkkür edirəm. Hesabda geri düşməyimizə baxmayaraq, oyunçular xarakter göstərdilər. "Qarabağ”a qarşı oynamaq çətindir. Futbolçulara təşəkkür edirəm ki, xarakter göstərdilər. Komandamız 6-cı yerə layiq deyil. Biz oyunla bunu bir daha göstərdik. Daha da irəli getmək lazımdır. Məşq prosesində dəyişiklik etdik. Psixoloji gərginlik olduğu üçün məşqləri daha əyləncəli etdik. Eyni zamanda, futbolçularda özünəinam hissini qaytardıq”.
