Topaz Premyer Liqasının XVI turunda "Neftçi"nin qonağı "Sumqayıt” rəqibinə 2:3 hesabı ilə məğlub olub. Sportnet.az-ın məlumatına görə, matçdan sonra mətbuat nümayəndələrinin önünə çıxan sumqayıtlıların baş məşqçisi Aqil Məmmədov uğursuzluqda müdafiəçilərini günahlandırıb:
"Çətin olacağını bilirdik. Komandaların ustalıq səviyyəsi eyni deyil. İki müdafiəçinin səhvindən qol buraxdıq. Bütün qollarda müdafiəçilərimizin kobud səhvləri vardı. Müdafiədə mütləq dəyişiklik etməliyik. Dəyişiklik olmasa, belə davam edəcək".
