"Qarabağ” klubunun futbolçusu Rəşad Sadıqov Çempionlar Liqasının II təsnifat mərhələsinin ilk oyununu buraxa bilər. Bu barədə Sportnet.az-a klubun mətbuat katibi Nurlan İbrahimov məlumat verib.
Onun sözlərinə görə, belindən zədəsi olan təcrübəli müdafiəçi hələ iki həftə müalicə olunmalıdır. Sadıqovun vəziyyəti müalicə prossesinin nəticəsindən sonra məlum olacaq.
Qeyd edək ki, Ağdam təmsilçisinin Çempionlar Liqasının II təsnifat mərhələsində ilk oyununu iyulun 16-17-də, cavab görüşünü isə iyulun 23-24-də keçirəcək.
