Rusiyanın "Ufa" komandası Vadim Yevseyevi baş məşqçi postundan istefaya göndərib.
Sportnet.az-ın klubun rəsmi saytına istinadən məlumatına görə, tərəflər qarşılıqlı razılıq əsasında müqaviləni pozublar.
44 yaşlı mütəfəssis Başqırdıstan komandasında 2019-cu ilin martından çalışıb. Onun rəhbərliyi altında kollektiv 55 matçdan 14 qələbə, 21 heç-heçə və 20 məğlubiyyətlə ayrılıb.
10 turdan sonra "Ufa" Rusiya Premyer Liqasında 16 komanda arasında 15-ci yerdə gedir. Klub cəmi 1 qələbə qazandığı halda, meydanı 3 heç-heçə və 6 məğlubiyyətlə tərk edib.
Qeyd edək ki, "Ufa"nın heyətində əslən azərbaycanlı futbolçu Azər Əliyev də forma geyinir.
