Yeni yaradılan Klublar Komitəsinin növbəti iclasının vaxtı açıqlanıb. İclas dekabrın 22-də Bakıdakı hotellərdən birində saat 15:00-da başlanacaq.
Bu barədə açıqlama verən komitə sədri Tuyqun Nadirov toplantıda müzakirə olunacaq məsələlər barədə indiyədək danışmağı məqsədəuyğun saymayıb. O bildirib ki, gündəlik xeyli məsələ var və iclasdan sonra açıqlamalar veriləcək.
Qeyd edək ki, Klublar Komitəsinin görüşündən iki saat öncə Tuyqun Nadirovla Məşqçilər Komitəsinin üzvləri də bir araya gələcək. (Report.az)
