UEFA Avropa Liqasının I qrupunda "Qarabağ"ın rəqiblərindən olan İspaniya "Vilyarreal"ı yeni transferi Xuan Foytu təqdim edib.
Sportnet.az klubun rəsmi saytına istinadən xəbər verir ki, İngiltərə "Tottenhem"indən icarəyə götürülmüş argentinalı müdafiəçi ilə 2020/2021 mövsümünün sonunadək müqavilə imzalanıb.
Qeyd edək ki, Avropa Liqasında qrup mərhələsinə oktyabrın 22-də start veriləcək. "Qarabağ" ilk oyununu İsraildə "Makkabi"yə qarşı keçirəcək. Ağdam klubunun "Vilyarreal"la ev oyunu oktyabrın 29-da, səfər matçı dekabrın 10-da olacaq.
