Türkiyənin "Denizlispor" klubu baş məşqçisi Robert Prosineçki ilə yollarını ayırır.
Sportnet.az-ın "Fanatik"ə istinadən məlumatına görə, hazırda müqaviləyə xitam verilməsi üçün tərəflər arasında danışıqlar gedir.
Rəsmi açıqlamanın yaxın vaxtlarda veriləcəyi gözlənilir.
Dənizli təmsilçisi 2020/2021 mövsümündə xorvatiyalı mütəxəssisin rəhbərliyi altında Superliqada keçirdiyi 7 oyunda cəmi 1 qələbə qazanıb. 5 xalı olan kollektiv 21 komanda arasında 20-ci pillədə qərarlaşıb.
Qeyd edək ki, 2014 - 2017-ci illərdə Azərbaycan millisinə rəhbərlik etmiş Robert Prosineçki cari mövsümün əvvəlində "Denizlispor"a baş məşqçi təyin olunub.