Bakının "İnter" komandasının Türkiyənin Antalya bölgəsindəki təlim-məşq toplanışı vaxtı əksər rəqibləri müəyyənləşib. Sportnet.az-ın klubun rəsmi saytına istinadən məlumatına görə, paytaxt təmsilçisi qardaş ölkəyə bu gün yollanacaq.
Məşqlərə yanvarın 3-dən start veriləcək. Toplanış çərçivəsində 6 yoldaşlıq matçı keçiriləcək. "İnter" yanvarın 8-də "İnegölspor"(Türkiyə), yanvarın 13-də "Enerji" (Kotbus, Almaniya), yanvarın 14-də "Kayrat"(Almatı, Qazaxıstan), yanvarın 17-də "Kasımpaşa" (Türkiyə), yanvarın 20-də isə "Metallist" (Xarkov, Ukrayna) ilə qarşılaşacaq. Toplanışda son yoxlama matçının yanvarın 23-də keçirilməsi planlaşdırılır. Rəqib hələlik bilinmir.
Qeyd edək ki, "İnter" yanvarın 24-də vətənə qayıdacaq.
