Azərbaycan Kubokunda 1/8 final mərhələsinə yekun vurulub.
Sportnet.az-ın məlumatına görə, "Sabah" "Bank Respublika Arena"da I Divizion təmsilçisi "Kəpəz"lə qarşılaşıb.
Görüş qonaqların 2:1 hesablı qələbəsi ilə başa çatıb. Oyunda ilk qolu birinci hissənin əsas vaxtına əlavə olunmuş 1-ci dəqiqədə Filip İvanoviç vurub. İlk hissə bu hesabla başa çatıb. 68-ci dəqiqədə Gəncə təmsilçisi Samir Qurbanovun qolu ilə tarazlığı bərpa edib. 84-cü dəqiqədə isə Əli Səmədov 2-ci topu rəqibin qapısından keçirib.
Bu qələbə ilə adını 1/4 finala yazdıran "Kəpəz" növbəti mərhələdə "Keşlə" ilə üz-üzə gələcək. Bu raundun ilk matçları 1-2 fevralda, cavab görüşləri iə 6-7 fevralda keçiriləcək. İlk oyun "ASK Arena"da, cavab görüşü isə Gəncə şəhər stadionunda olacaq.
Qeyd edək ki, daha əvvəl "Səbail", "Qəbələ" və "Zirə" klubları 1/4 finala vəsiqə qazanıblar.
--------------------------------------------
Futbol üzrə Azərbaycan Kubokunda 1/8 final mərhələsinin daha bir oyunu keçirilib.
Sportnet.az-ın məlumatına görə, "Zirə" səfərdə "Qaradağ Lökbatan"la üz-üzə gəlib.
"Dalğa Arena"dakı qarşılaşma "Zirə"nin 4:0 hesablı qələbəsi ilə yekunlaşıb. Rəşad Sadıqovun baş məşqçilik etdiyi komandanın heyətində qolları 12-ci dəqiqədə Nemanya Andelkoviç, 27 və 45+1-ci dəqiqədə Davit Volkov, 30-cu dəqiqə isə Musa Qurbanlı vurub.
"Zirə" 1/4 finalda "Neftçi" ilə qarşılaşacaq. 1/4 finalın ilk matçları 1-2 fevralda, cavab görüşləri iə 6-7 fevralda keçiriləcək. İlk oyun "Bakcell Arena"da, cavab görüşü isə Zirə İdman Kompleksinin stadionunda olacaq.
-------------------------------------------------------------
Futbol üzrə Azərbaycan Kubokunda 1/8 final mərhələsinin daha bir oyunu keçirilib.
Sportnet.az xəbər verir ki, "Turan Tovuz" "Qəbələ"ni qəbul edib.
Tovuz şəhər stadionundakı qarşılaşma Premyer Liqa təmsilçisinin 2:0 hesablı qələbəsi ilə yekunlaşıb. Matç "Turan"ın keçmiş prezidenti Tahir Yusifovun vəfatı ilə əlaqədar bir dəqiqəlik sükutla başlayıb.
Görüşdə "Qəbələ"nin qollarını 32 dəqiqədə Stefan Vukçeviç və 45+2-ci dəqiqədə Ceyms Adeniyi vurub. Elmar Baxşıyevin baş məşqçi olduğu komanda 1/4 final mərhələsində "Qarabağ"a rəqib olub.
Qeyd edək ki, 1/8 finalın ilk oyununda "Səbail" I Divizion təmsilçisi "Zaqatala"nı 3:2 hesabı ilə məğlub edərək, növbəti raundda "Sumqayıt"a rəqib olub. 1/4 finalın ilk matçları 1-2 fevralda, cavab görüşləri iə 6-7 fevralda keçiriləcək. İlk oyun Tofiq Bəhramov adına Respublika stadionunda, cavab görüşü isə Qəbələ şəhər stadionunda olacaq.
--------------------------------------------------
Bu gün futbol üzrə Azərbaycan Kubokunda 1/8 final mərhələsinin son 3 görüşü keçiriləcək.
Sportnet.az-ın məlumatına görə, günün ilk matçı Tovuzda yerli komanda ilə "Qəbələ" arasında gerçəkləşəcək. I Dİvizion və Premyer Liqa təmsilçiləri indiyədək kubokda üz-üzə gəlməyiblər. Cütün qalibi 1/4 finalda "Qarabağ"ın rəqibi olacaq.
Saat 16:00-da start götürəcək görüşdə "Qaradağ Lökbatan"la "Zirə" komandaları münasibətlərinə aydınlıq gətirəcəklər. Bunadək ölkə kubokunda 2 dəfə qarşılaşmış kollektivlərin duelində heç-heçə qeydə alınmayıb. 2014/2015 mövsümündə aşağı dəstə təmilçisi “Qaradağ Lökbatan” mərhələ keçibsə, ötən mövsümdə “Zirə” böyükhesablı qələbə əldə edib. Top fərqi "qartallar"ın xeyrinədir - 4:1. Mərhələni keçən tərəf növbəti raundda "Neftçi" ilə üz-üzə gələcək.
1/8 final mərhələsinin son oyunu Masazırda olacaq. "Sabah" I Divizon təmsilçisi "Kəpəz"i qəbul edəcək. Komandalar indiyədək kubok matçında qarşılaşmayıblar. Bu görüşün qalibi 1/4 finalda "Keşlə" ilə oynayacaq.
Azərbaycan Kuboku, 1/8 final
25 yanvar (bazar ertəsi)
14:00. “Turan Tovuz” – “Qəbələ” - 0:2
Qol: Stefan Vukçeviç, 32. Ceyms Adeniyi, 45+2
Hakimlər: Rauf Allahverdiyev, Pərvin Talıbov, Cəmil Quliyev, Kamranbəy Rəhimov
Hakim-inspektor: Asim Xudiyev
AFFA nümayəndəsi: Bəhram Qurbanov
Tovuz şəhər stadionu
16:00. “Qaradağ Lökbatan” – “Zirə” - 0:4
Qol: Nemanya Andelkoviç, 12. Davit Volkov, 27; 45+1. Musa Qurbanlı, 30
Hakimlər: Nicat İsmayıllı, Elşad Abdullayev, Müslüm Əliyev, Kamal Umudlu
Hakim-inspektor: İmanxan Sultani
AFFA nümayəndəsi: İlham Əliyev
“Dalğa Arena”.
17:00. “Sabah” – “Kəpəz” - 1:2
Qol: Filip ivanoviç 45+1 - Samir Qurbanov, 69. Əli Səmədov, 85
Hakimlər: Fərid Hacıyev, Akif Əmirəli, Rahil Ramazanov, Tural Qurbanov
Hakim-inspektor: Ceyhun Haşımov
AFFA nümayəndəsi: Asif Əliyev
“Bank Respublika Arena”
Qeyd edək ki, 1/8 finalın ilk oyununda "Səbail" I Divizion təmsilçisi "Zaqatala"nı 3:2 hesabı ilə məğlub edərək, növbəti raundda "Sumqayıt"a rəqib olub. 1/4 finalın ilk matçları 1-2 fevralda, cavab görüşləri iə 6-7 fevralda keçiriləcək.
