Türkiyənin Antalya bölgəsində təlim-məşq toplanışında olan "Simurq" klubu növbəti yoxlama matçını keçirib. Sportnet.az-ın məlumatına görə, rəqib Qazaxıstan "İrtış"ı olub.
Görüş "İrtış"ın böyük hesablı qələbəsi ilə yekunlaşıb - 3:0. Qolları ilk yarıda Kərim Səidi və Lima, fasilədən sonra Conatas Reys vurub.
Qeyd edək ki, "Simurq" daha öncə Qazaxıstanın digər təmsilçisi "Şaxtyor" (Karaqandı) üzərində 3:1 hesablı qələbə qazanıb, Almaniya "Duysburq"una isə uduzub - 1:4.
