"Neftçi”nin yeni məşqçisi Nazim Əliyev təyinatından danışıb. Sportnet.az-ın məlumatına görə, sabiq hücumçu flaqmanı özünə doğma klub saydığını bildirib.
Əliyev deyib: "Futbolçu karyeramda ilk böyük addımlarımı bu klubda atmışam. "Neftçi”də məşqçi vəzifəsini də icra etmişəm. Son illərdə bu komanda böyük tarixi nailiyyətlərə imza atıb. Azərbaycanla yanaşı, Avropada da adından söz etdirib. Təbii ki, hər zaman ən yüksək yerlər uğrunda mübarizə aparan komandada çalışmaq şərəf olmaqla yanaşı, böyük məsuliyyət və zəhmət də tələb edir".
Yeni məşqçi klub prezidenti Sadıq Sadıqovu tərifləməyi də yaddan çıxarmayıb: "Sadıqov hər zaman yerli mütəxəssislərlə çalışmağa üstünlük verib. Mənə güvəndiyinə və etimad göstərdiyinə görə klub prezidentinə təşəkkürümü bildirirəm. Çalışacağam ki, mənə göstərilən etimadı doğruldum".
