Bakının AZAL klubu Azərbaycan milli komandasının futbolçusu Murad Ağayevi transferə çıxarıb. Bu barədə Sportnet.az-a paytaxt təmsilçisinin baş məşqçisi Tərlan Əhmədov məlumat verib.
Onun sözlərinə görə, 21 yaşlı yarımmüdafiəçiyə hələlik rəsmi təklif gəlməyib.
Qeyd edək ki, Murad Ağayev Rusiyanın Stavropol diyarında doğulub. O, Azərbaycan millisinin heyətində 2012-ci il fevralın 24-də Sinqapurla yoxlama matçında debüt edib. Həmin ilin aprelində isə Ağayev "Sumqayıt"la 1,5 illik müqavilə bağlayıb. Gənc futbolçu AZAL-a ötən ilin iyununda keçib.
