"Sumqayıta 3 xal üçün gəlmişdik. Amma 1 xal qazandıq". Sportnet.az-ın bunu AZAL-ın baş məşqçisi Tərlan Əhmədov deyib.
"Sumqayıt"la oyun haqda danışan yerli mütəxəssis qalib gəlməli oyunda bir xalla kifayətləndiklərini bildirib: "Etiraf edim ki, mübariz komandaya qarşı oynadıq. "Sumqayıt”la qış fasiləsi zamanı yoldaşlıq görüşləri keçirmişdik. Bu mənada oyunçularım bir az arxayın idilər. Matç başa çatdıqdan sonra futbolçularla söhbət etdim. Dedim ki, bu matçı unudub, "İnter”lə oyuna hazırlaşmalıyıq. Edu zədəlidir, Nicat Qurbanov da sıradan çıxdı. Əgər Nicat olsaydı, meydançaya başqa heyət buraxacaqdım”.
Qeyd edək ki, "Sumqayıt" - AZAL matçı 0:0 hesabı ilə başa çatıb.
