Topaz Premyer Liqasının XXII turunda keçirilən "İnter" - "Bakı" qarşılaşmasından sonra meydan sahiblərinin baş məşqçisi kaxaber Tsxadadze oyun haqda fikirlərini bildirib. Sportnet.az-ın məlumatına görə, gürcüstanlı mütəxəssis bunları deyib:
"Hər birimiz bilirik ki, "Bakı”nın problemləri var. Biz sərbəst şəkildə oyuna çıxmalı idik. Oyunun əvvəlində qol vura bildik. Futbolçularımın 4 qol vurması məni sevindirir. Amma bir məsələ də var ki, 2 qol vurduqdan sonra oyunçularım ötürmələrdə səhvlər edirdilər. Qarşıda bizim çox çətin oyunlarımız var, qrafik sıxdır”.
Qeyd edək ki, qarşılaşma "İnter"in 4:0 hesablı qələbəsi ilə başa çatıb.
