UEFA Millətlər Liqasının final mərhələsində digər yarımfinal görüşü keçirilib.
Sportnet.az-ın məlumatına görə, həlledici qarşılaşmaya son vəsiqə uğrunda Belçika və Fransa yığmaları üz-üzə gəliblər. Turindəki "Yuventus" stadionunda baş tutan matç "xoruzlar"ın 3:2 hesablı qələbəsi ilə başa çatıb.
Oyunda hesab 37-ci dəqiqədə açılıb. "Qırmızı şeytanlar"ın heyətində Yannik Karrasko fərqlənib. Bu qoldan cəmi 3 dəqiqə sonra Romelu Lukaku fərqi 2 topa çatdırıb. Birinci hissə bu hesabla başa çatıb. 62-ci dəqiqədə Fransa millisinin hücumçusu Kərim Benzema buraxılan qollardan birinin əvəzini çıxıb. 7 dəqiqə sonra Kilian Mbappe penaltidən vurduğu qolla tarazlığı bərpa edib. Oyunda son nöqtəni isə 90-cı dəqiqədə Teo Ernandes qoyub.
Beləliklə, Fransa millisi əzmkar qələbə sayəsində finalda İspaniya seçməsinə rəqib olub. Pireneylilər ötən gecə İtaliyanı 2:1 hesabı ilə məğlub edib.
Qeyd edək ki, 3-cü yer uğrunda və final oyunları oktyabrın 10-da olacaq. İkinci dəfə təşkil olunan "Dördlər finalı"nda ilk qalib Portuqaliya millisi olub.
-----------------------------------------
Bu gün UEFA Millətlər Liqasının final mərhələsində digər yarımfinal görüşü keçiriləcək.
Sportnet.az-ın məlumatına görə, bununla da İspaniya millisinin finaldakı rəqibi müəyyənləşəcək.
"Dördlər finalı"nda həlledici qarşılaşmaya son vəsiqə uğrunda Belçika və Fransa yığmaları üz-üzə gələcəklər. Turindəki "Yuventus" stadionunda baş tutacaq görüş Bakı vaxtı ilə saat 22:45-də start götürəcək. Matçı almaniyalı FIFA referisi Daniel Zibert idarə edəcək.
Yarımfinalın ilk görüşündə İspaniya millisi İtaliyanı 2:1 hesabı ilə məğlub edib.
Qeyd edək ki, 3-cü yer uğrunda və final oyunları oktyabrın 10-da olacaq. İkinci dəfə təşkil olunan "Dördlər finalı"nda ilk qalib Portuqaliya millisi olub.
UEFA Millətlər Liqası, final mərhələsi
Yarıminal
7 oktyabr
22:45. Belçika - Fransa - 2:3
Qollar: Yannik Karrasko, 37, Romelu Lukaku, 40 - Kərim Benzema, 62, Kilian Mbappe, 69 (penalti), Teo Ernandes, 90
Hakimlər: Daniel Zibert, Yan Zaydel, Eduard Baytunger, Harm Osmers
Turin. "Yuventus" stadionu
