Topaz Premyer Liqasının XXII turunda "Simurq"la keçirilən qarşılaşma "Qarabağ" üçün əlmaətdar olub. Sportnet.az-ın klubun rəsmi saytına istinadən məlumatına görə, Qurban Qurbanovun komandası Zaqatala üzərində qələbə qazanmaqla cari çempionatda 3 oyunda qələbə qazanmaqla ən uğurlu seriyasını qurub.
Georgi Çixradzenin komandasını məğlub edərək 13-cü qələbəsini qazanan "Qarabağ" bununla ardıcıl 5 oyunda xal itirməyib. 66 gündür məğlubiyyətin nə olduğunu bilməyən "köhlən atlar"ın heyətində Reynaldo da unikal göstəriciyə imza atıb. Son mövsümdə çıxış edən "Rəvan" da daxil olmaqla, bütün klubların qapısına yol tapan braziliyalı yalnız "Simurq"a qol vura bilmirdi. Son oyunda Reynaldo bu sindromu da qırmış oldu.
