"Qalatasaray” klubunda baş məşqçi Roberto Mançininin istefasından sonra onu əvəzləyəcək 3 mütəxəssisin adı ön plana çıxıb. Sportnet.az-ın "milliyet”ə istinadən məlumatına görə, bunlar Mirça Luçesku, Erik Qerets və Mustafa Dənizlidir.
İstanbul təmsilçisinin prezidenti Ünal Aysalın namizədlər arsında ən çox maraqlandığı Luçeskudur. 2 ay əvvəl keçirilən görüş zamanı rumıniyalı, Mançini gedərsə, "Cim-Bom”a qayıtmağa hazır olduğunu deyib.
Növbəti namizəd Erik Gerets isə "sarı-qırmızılar”dan cavab gözləyir. Belçikalı Luçeskuya nisbətən, daha az məvacibə işləməyə hazırdır.
Klubun D planında isə "Xəzər Lənkəran”ın sabiq baş məşqçisi Mustafa Dənizli yer alır. 65 yaşlı mütəxəsiss bu məsələyə isti münasibət göstərsə də, klub daxilinda ona müxalif idarəçilər çoxdur.
Qeyd edək ki, hər 3 mütəxəssis də vaxtilə "Qalatasaray”da baş məşqçi işləyib.
