"Qarabağ” klubu növbəti transferini həyata keçirib. Sportnet.az-ın klub saytına istinadən məlumatına görə, Ağdam təmsilçisi "Neftçi”nin futbolçusu Tərlan Quliyevi heyətinə qatıb.
Tərəflər arasında uzun müddət davam edən danışıqlardan sonra razılıq əldə olunub və 22 yaşlı müdafiəçi ilə 3 illik müqavilə imzalanıb.
Quliyev yeni komandasına keçidlə bağlı bu sözləri deyib: "Futbol karyeramın inkişafında böyük əməyi olduğuna görə, "Neftçi”nin rəhbərliyinə təşəkkür edirəm. Yeni klubum olan "Qarabağ”a həm Çempionlar Liqasında, həm də Azərbaycan Premyer Liqasında əlimdən gələn köməyi əsirgəməyəcəyəm”.
Qeyd edək ki, "Qarabağ” bundan öncə Portuqaliyanın yüksək liqasında çıxış edən "Maritimu” klubundan braziliyalı hücumçu Danilo Diası transfer edib.
