UEFA Avropa Liqasında 1/4 final mərhələsinin ilk oyunları başa çatıb.
"Report"un məlumatına görə, son 3 görüşdə 2 heç-heçə, 1 qələbə qeydə alınıb.
İspaniya "Barselona"sı Almaniyada "Ayntraxt"la bərabərə qalıb - 1:1. Matçda hesabı 48-ci dəqiqədə meydan sahiblərinin heyətində Ansqar Knauff açıb. Qonaqlardan isə 66-cı dəqiqədə Ferran Torres fərqlənib.
İngiltərədə "Vest Hem" və Fransa "Lion"u arasındakı oyunda da qalib müəyyənləşməyib. Yeganə qələbəni Portuqaliya "Braqa"sı evdə qazanıb. Meydan sahibləri Şotlandiya "Reyncers"ini məğlub ediblər.
----------------------------------
UEFA Avropa Liqasında 1/4 final mərhələsinə start verilib.
Sportnet.az-ın məlumatına görə, açılış oyununda Almaniya "Leyptsiq"i İtaliya "Atalanta"sını qəbul edib. Qarşılaşma 1:1 hesablı heç-heçə ilə başa çatıb.
Görüşdə hesabı qonaqlar açıblar. Luis Muriel 17-ci dəqiqədə komandasını önə keçirib. Meydan sahibləri 58-ci dəqiqədə Davide Zappakostanın öz qapısına vurduğu qolla tarazlığı bərpa ediblər.
Komandalar arasında cavab matçı aprelin 14-də oynanılacaq.
----------------------------------
Bu gün UEFA Avropa Liqasında 1/4 final mərhələsinin ilk oyunları keçiriləcək. Sportnet.az-ın məlumatına görə, bütün görüşlər eyni gündə baş tutacaq.
Gecənin ilk matçı Almaniyada "Leyptsiq" və İtaliya "Atalanta"sı arasında olacaq. İspaniya "Barselona"sı isə sözügedən ölkədə "Ayntraxt"ın qonağı olacaq.
Digər oyunlarda isə İngiltərə "Vest Hem"i Fransa "Lion"unu, Portuqaliya "Braqa"sı isə Şotlandiya "Reyncers"ini qəbul edəcək.
Avropa Liqası, 1/4 final
İlk oyunlar
7 aprel
20:45. "Leyptsiq" (Almaniya) - "Atalanta" (İtaliya) - 1:1
Qollar: Davide Zappakosta, 58 (avtoqol) - Luis Muriel, 17
23:00. "Ayntraxt" (Almaniya) - "Barselona" (İspaniya) - 1:1
Qollar: Ansqar Knauff, 48 - Ferran Torres, 66
Qırmızı vərəqə: Tuta, 78 ("Ayntraxt")
23:00. "Vest Hem" (İngiltərə) - "Lion" (Fransa) - 1:1
Qollar: Carrod Bouen, 52 - Tanqi Ndombele, 66
Qırmızı vərəqə: Aaron Kressuell, 45+3 ("Vest Hem")
23:00. "Braqa" (Portuqaliya) - "Reyncers" (Şotlandiya) - 1:0
Qol: Abel Ruis, 40
Qeyd edək ki, cavab görüşləri aprelin 14-də oynanılacaq.
