Azərbaycan Premyer Liqasının XXIII turunda keçiriləcək “Qarabağ” – “Şamaxı” qarşılaşmasının biletləri oyun günü - aprelin 15-i satışa çıxarılacaq.
Sportnet.az xəbər verir ki, biletlərin qiyməti sektorlara uyğun olaraq dəyişir.
Qapıarxası və künclərdə yerləşən sektorlar 2 manat, mərkəzi sektorlar 5 manat, VIP biletlər isə 10 manatdır. Biletləri görüşün keçiriləcəyi "Azersun Arena"nın kassalarından əldə etmək mümkündür.
Qeyd edək ki, aprelin 15-də keçiriləcək oyun saat 19:30-da başlayacaq. Qapılar azarkeşlər üçün matçın start fitindən 90 dəqiqə əvvəl açılacaq.
