Azərbaycan Kubokunun ¼ final mərhələsinin cavab görüşləri çərçivəsində keçirilən "Simurq” – "Qəbələ” oyununda qapılara qol vurulmayıb. Sportnet.az-ın məlumatına görə, oyundan sonra komandaların baş məşqçiləri bunları deyib:
Roman Qriqorçuk: "İndiki məqamda mən rəqibi təbrik etməliyəm. Biz isə çox çalışmalı və işimizi davam etdirməliyik ki, avrokuboklara vəsiqə qazanaq. Açığı, mən pərt olmuşam. Çünki mərhələni biz yox, rəqib adladı”.
George Çixradze: "Növbəti mərhələyə adlamaq vacib idi. Biz ilk oyunda uğurlu futbol sərgiləmişdik, qələbə qazanmışdıq. Amma buna baxmayaraq, arxayınlaşmamışdıq. Meydançaya çıxıb, öz oyunumuzu sərgilədik. Artıq kuboku unutmalı və çempionatın növbəti görüşünə hazırlaşmalıyıq”.
