"Nə deyə bilərəm? Təbii ki, heç bir futbolçu zədələnmək istəməz". Sportnet.az-ın məlumatına görə, bu sözləri "Qarabağ" klubunun rəsmi saytına açıqlamasında Azərbaycan milli komandasının üzvü Namiq Ələsgərov deyib.
AVRO-2016-nın seçmə mərhələsində Maltaya qarşı keçirilən oyunda zədələnən yarımmüdafiəçi əməliyyat lazım olduğunu deyib: "Bu oyunda zədələr qaçınılmazdı. İndi əməliyyat lazımdı. Səbrlə dözüb sağalmaq üçün çalışmalıyam. Ağır zədədi. Amma edə biləcəyimiz bir şey yoxdu" - deyə Ələsgərov "Qarabağ"ın rəsmi saytına açıqlamasında bildirib".
Qeyd edək ki, Namiq Ələsgərov Malta ilə qarşılaşmanın 22-ci dəqiqəsində zədələnib. Onu Xorvatiya "Hayduk"unda top qovan Ruslan Qurbanov əvəzləyib.
