Finlandiyanın paytaxtı Helsinkidə UEFA Super Kuboku uğrunda oyun keçirilib.
Sportnet.az-ın məlumatına görə, İspaniyanın "Real Madrid" və Almaniyanın "Ayntraxt" (Frankfurt) komandaları arasında Helsinki Olimpiya Stadionunda oynanılan görüşü ingiltərəli FIFA referisi Maykl Oliver idarə edib.
Qarşılaşma "kral klubu"nun 2:0 hesablı qələbəsi ilə başa çatıb. Qolları 37-ci dəqiqədə David Alaba və 65-ci dəqiqədə Kərim Benzema vurublar.
5-ci dəfə Superkuboku qazanan "Real Madrid" bu göstəricidə İspaniyanın "Barselona" və İtaliyanın "Milan" klublarına çatıb. Hazırda bu 3 komanda titula ən çox sahib çıxan kollektivlərdir.
-----------------------------------------------
Bu gün Finlandiyanın paytaxtı Helsinkidə UEFA Super Kuboku uğrunda oyun keçiriləcək.
Sportnet.az-ın məlumatına görə, İspaniyanın "Real Madrid" və Almaniyanın "Ayntraxt" (Frankfurt) komandaları arasında Helsinki Olimpiya Stadionunda oynanılacaq görüş Bakı vaxtı ilə saat 23:00-da başlayacaq. Qarşılaşmanı ingiltərəli FIFA referisi Maykl Oliver idarə edəcək.
"Kral klubu" Çempionlar Liqasının, Frankfurt təmsilçisi isə Avropa Liqasının son qalibi kimi Superkubok matçında oynamaq hüququ qazanıb. Tərəflər 62 ildən sonra yenidən avrokubokların finalında qarşılaşacaq. İspaniya və Almaniya təmsilçiləri daha əvvəl 1959/1960 mövsümündə UEFA Çempionlar Kubokunun həlledici oyununda bir-birinə rəqib olub. Həmin görüşdə 7:3 hesablı qələbə qazanan Madrid klubu ardıcıl 5-ci dəfə titula sahib çıxmışdı.
Avropa futbol qurumu qu qarşılaşmada ilk dəfə Yar Avtomatlaşdırılmış Ofsayd Texnologiyasını tətbiq edəcək. Yeni sistem hər oyunçunun 29 fərqli bədən nöqtəsini izləyə bilən xüsusi kameralar sayəsində işləyəcək.
Bunadək 7 dəfə Superkubok matçına çıxan "Real Madrid" bunların 4-də qələbə qazanıb. "Ayntraxt" isə ilk dəfə belə bir qarşılaşmada iştirak edəcək.
UEFA Super Kuboku
10 avqust
23:00. "Real Madrid" (İspaniya) - "Ayntraxt" (Frankfurt, Almaniya) - 2:0
Qollar: David Alaba, 37. Kərim Benzema, 65
Baş hakim: Maykl Oliver
Helsinki Olimpiya Stadionu
Qeyd edək ki, indiyədək bu titula ən çox İspaniya "Barselona"sı ilə İtaliya "Milan"ı yiyələnib. Hər iki komanda 5 dəfə qələbə sevinci yaşayıb.
