Topaz Premyer Liqasının XXVIII turunda Bakı "İnter"inin qonağı olacaq "Xəzər Lənkəran" oyunun hazırlıqlarını davam etdirir. Sportnet.az-ın məlumatına görə, artıq komanda məşqlərini yekunlaşdırmaq üzrədir.
Bu gün paytaxta yola düşəcək "Xəzər Lənkəran" istirahətdən sonra oyunöncəsi son məşqini keçirmək üçün "İnter Arena"ya yollanacaq. Heyətdə zədəli futbolçu olmasa da Sadio Tounkara və Alfred Sanko cəza səbəbindən bu oyunda komandamıza kömək edə bilməyəcəklər.
Qeyd edək ki, "İnter" - "Xəzər Lənkəran" matçı aprelin 5-i saat 18:00-da keçiriləcək.
