"Bakı" klubunun prezidenti Hafiz Məmmədov yenidən "Bank of Azerbaijan”ın Müşahidə Şurasının sədri seçilib. Sportnet.az-ın "APA-Economics”ə istinadən məlumatına görə, indiyə qədər bu vəzifəni tutan Mehman İsmayılov yenidən "Bank Technique”in Audit Komitəsinin sədri vəzifəsinə qayıdıb.
"Bank of Azerbaijan”ın İdarə Heyətinin rəhbərliyində isə dəyişiklik yoxdur. Əvvəllər olduğu kimi Məhəmmədəli Aslanov bankın İdarə Heyətinin sədri vəzifəsini müvəqqəti icra edir.
Qeyd edək ki, "Bank of Azerbaijan”ın səhmdarlarının 2014-cü ilin mayın 22-də keçirilmiş növbədənkənar ümumi yığıncağında bankın Müşahidə Şurasının sədri vəzifəsi Mehman İsmayılova, İdarə Heyətinin sədri vəzifəsinin icrası isə müvəqqəti olaraq Məhəmmədəli Mahir oğlu Aslanova həvalə edilib.
