Portuqaliya millisi Qətərdə keçirilən dünya çempionatında 1/8 finala vəsiqəni təmin edib.
Sportnet.az-ın məlumatına görə, Fernandu Santuşun başçılıq etdiyi kollektiv buna H qrupunun II tur oyununda Uruqvayı 2:0 hesabı ilə məğlub etməklə nail olub. Brunu Fernandeşin vurduğu qollar pireneyliləri sona bir tur qalmış pley-offa daşıyıb.
28 yaşlı yarımmüdafiəçi 54-cü hesabı açıb. 90+3-cü dəqiqədə isə penaltini dəqiq yerinə yetirən Fernandeş yekun hesabı müəyyənləşdirib.
Bu qələbədən sonra xallarını 6-ya çatdıran Pireney təmsilçisi liderliyini qoruyub. 1 xalı olan Uruqvay və Cənubi Koreya yığmaları 3-4-cü yerləri bölüşdürür. Qana seçməsi isə 3 xalla ikincidir.
Qeyd edək ki, daha əvvəl Fransa və Braziliya milli komandaları vaxtından əvvəl qrupdan çıxmağı rəsmiləşdirib.
--------------------------------
Braziliya millisi Qətərdə keçirilən dünya çempionatında 1/8 finala vəsiqəni təmin edib.
Sportnet.az-ın məlumatına görə, "sambaçılar" buna G qrupunun II turunda İsveçrəyə minimal hesabla qalib gəlməklə nail olub. Yeganə qolu 83-cü dəqiqədə Kazemiro vurub.
Bu qələbədən sonra xallarını 6-ya çatdıran Braziliya yığması qrup lideri kimi pley-offa adlayıb. 3 xalı olan İsveçrə seçməsi 2-ci pillədə qərarlaşıb. Kamerun və Serbiya kollektivləri isə hərəyə 1 xalla 3-4-cü yerləri bölüşdürür.
Qeyd edək ki, daha əvvəl Fransa millisi vaxtından əvvəl qrupdan çıxmağı təmin edib.
----------------------------------
Qətərdə keçirilən dünya çempionatının H qrupunda II tura start verilib.
Sportnet.az-ın məlumatına görə, turun ilk oyununda Qana millisi Cənubi Koreya ilə qarşılaşıb. Görüş Afrika təmsilçisinin 3:2 hesablı qələbəsi ilə başa çatıb.
İlk qolu 24-cü dəqiqədə Məhəmməd Salisu vurub. 10 dəqiqə sonra Məhəmməd Kudus ikinci topu asiyalıların qapısından keçirib. İlk hissə bu hesabla yekunlaşıb.
İkinci yarıya daha yaxşı başlayan Cənubi Koreya yığması Sun Kyu Çonun 58 və 61-ci dəqiqələrdə vurduğu qollarla hesabı bərabərləşdirib. Matçda son nöqtəni isə Kudus qoyub. Niderland "Ayaks"ında çıxış edən yarımmüdafiəçi 68-ci dəqiqədə yekun hesabı müəyyənləşdirib.
Bu nəticədən sonra Qana 3 xalla 2-ci pilləyə yüksəlib. 1 xalı olan Cənubi Koreya seçməsi isə sonuncudur.
Qeyd edək ki, bu qrupda II turun digər oyunu Portuqaliya və Uruqvay yığmaları arasında olacaq.
-----------------------------------
Qətərdə təşkil olunan dünya çempionatının qrup mərhələsində bu gün II tura yekun vurulacaq.
"Report"un məlumatına görə, G və H qruplarında ümumilikdə 4 oyun keçiriləcək.
Günün ilk matçı G qrupunda Kamerun və Serbiya yığmaları arasında olacaq. Bu qrupun digər görüşündə isə Braziliya İsveçrəni sınağa çəkəcək.
H qrupunda Cənubi Koreya Qana ilə, Portuqaliya isə Uruqvayla münasibətlərinə aydınlıq gətirəcək.
DÇ-2022
Qrup mərhələsi, II tur
G qrupu
14:00. Kamerun - Serbiya - 3:3
Qollar: Jan-Şarles Kastelletto, 29. Vinsent Abubakar, 64. Erik Çupo-Motin1, 66 - Strahinya Pavloviç, 45+1. Sergey Milinkoviç Saviç, 45+3. Aleksandr Mitroviç, 53
20.00. Braziliya - İsveçrə - 1:0
Qol: Kazemiro, 83
Xal durumu: Braziliya - 6, İsveçrə - 3, Kamerun - 1, Serbiya - 1.
H qrupu
17:00. Cənubi Koreya- Qana - 2:3
Qollar: Sun Kyu Ço, 58; 61 - Məhəmməd Salisu, 24, Məhəmməd Kudus, 34; 68
23:00. Portuqaliya - Uruqvay - 2:0
Qollar: Brunu Fernandeş, 54; 90+3 (p)
Xal durumu: Portuqaliya - 6, Qana - 3, Cənubi Koreya - 1, Uruqvay - 1
Qeyd edək ki, hələlik yalnız Fransa millisi pley-offa vəsiqəni təmin edib.
