"Xəzər Lənkəran" Azərbaycan Premyer Liqasının XXXI turunda "Qəbələ" ilə keçirəcəyi oyunun hazırlıqlarına start verib. Sportnet.az-ın məlumatına görə, Lənkərandakı bazasında bir araya gələn "ağ-yaşıllar" matçadək doğma məkanda qalacaq.
Heyətdə zədəli futbolçu olmasa da, cənublular görüşə itkilərlə çıxacaqlar. Elşən Rzazadə, Alfred Sanko və kapitan Rahid Əmirquliyev cəzalı olduqları üçün oynamayacaqlar.
Qeyd edək ki, "Xəzər Lənkəran" XXX turda istirahət edəcək. "Qəbələ” ilə qarşılaşma aprelin 25-də "Xəzər Lənkəran" Mərkəzi stadionunda keçiriləcək.
