Futbol üzrə Azərbaycan Premyer Liqasında XVI tura start verilib.
Sportnet.az-ın məlumatına görə, günün yaganə oyununda "Neftçi" "Qarabağ"ı qəbul edib.
“Bakcell Arena”dakı qarşılaşma “köhlən atlar”ın 4:0 hesablı qələbəsi ilə bitib. Ağdam təmsilçisinin qollarını 37-ci dəqiqədə Kadi Borges, 60-cı dəqiqədə Abdullah Zubir, 67-ci dəqiqədə Ramil Şeydayev vurub. 83-cü dəqiqədə isə Kadi Borges cərimə zərbəsindən baxımlı qola imza ataraq, dubl edib.
Xallarının sayını 44-ə çatdıran “Qarabağ” birinci pillədə qərarlaşıb. “Ağ-qaralar” 32 xalla üçüncü sıradadır.
Qeyd edək ki, XVI turun “Qəbələ” – “Səbail” və “Sabah” – “Şamaxı” oyunları dekabrın 3-də, “Kəpəz” – “Sumqayıt”, “Zirə” – “Turan Tovuz” görüşləri dekabrın 4-də olacaq.
------------------------------
Misli Premyer Liqasında bu gün XVI tura start veriləcək.
Sportnet.az-ın məlumatına görə, günün yeganə matçında "Neftçi" "Qarabağ"ı qəbul edəcək.
"Bakcell Arena"dakı qarşılaşma saat 21:00-da start götürəcək. "Ağ-qaralar" 32 xalla üçüncü pillədə qərarlaşıb. Lider "Qarabağ"ın 41 xalı var.
Bu, ölkə çempionatları tarixində 89-cu Azərbaycan derbisi olacaq. Əvvəlki matçların 35-də "köhlən atlar", 23-də paytaxt təmsilçisi qələbə qazanıb. 30 görüşdə heç-heçə qeydə alınıb. Topların nisbətində isə "Neftçi"nin aşkar üstünlüyü var - 107:80. "Qarabağ" çempionatdakı son beş oyunda rəqibinə qalib gəlib. Əvvəlki üç qarşılaşmada hər iki komanda qol vurub.
Azərbaycan Premyer Liqası
XVI tur
2 dekabr
21:00. “Neftçi” – “Qarabağ” - 0:4
Qollar: Kadi Borges, 37; 83. Abdullah Zubir, 60. Ramil Şeydayev, 67
Hakimlər: Elçin Məsiyev, Elşad Abdullayev, Pərvin Talıbov, Rauf Allahverdiyev
VAR: Əliyar Ağayev
AVAR: Nicat İsmayıllı
Hakim-inspektor: Ömər Paşayev
“Bakcell Arena”
Qeyd edək ki, XVI turun "Qəbələ" - "Səbail" və "Sabag" - "Şamaxı" oyunları dekabrın 3-də, "Kəpəz" - "Sumqayıt", "Zirə" - "Turan Tovuz" görüşləri dekabrın 4-də olacaq.
