“Səbail”in yeni baş məşqçisi Şahin Diniyevin komanda ilə iclası keçirilib.
Sportnet.az klubun rəsmi saytına istinadən xəbər verir ki, baş məşqçi oyunçularla tanış olub. O, məşqçilər heyətinin yeni üzvlərini komandaya təqdim edib.
Azər Məmmədovla Kərim Diniyev baş məşqçinin köməkçisi təyin olunub. Elmir Xankişiyev fiziki hazırlıq, Fuad Əsədov isə qapıçılar üzrə məşqçi funksiyasını yerinə yetirəcək.
Xatırladaq ki, “dənizçilər” yanvarın 4-də qış təlim-məşq toplanışı üçün Antalyaya yola düşəcəklər.
