"Simurq”a qarşı oyunlarımız həmişə ağır keçib. Bu gün keçirilən oyuna yaxşı hazırlaşmışdıq". Bu sözləri Topaz Premyer Liqasının XXXI turunda "Simurq"la oyundan sonra "Sumqayıt"ın baş məşqçisi Aqil Məmmədov deyib.
46 yaşlı mütəxəssis 1:0 hesabı ilə qələbə qazandıqları oyuna belə şərh verib: "Bütün kollektiv qələbəyə köklənmişdi. Uzun fasilədən sonra qələbə qazandığımız üçün şadam. Azarkeşləri, oyunçuları təbrik edirəm. Düşünürəm ki, bu qələbə bizə qara zolaqdan çıxmaq üçün əlavə üstünlük verəcək”.
