Topaz Premyer Liqasının XXXIV turunda "İnter”lə qarşılaşacaq "Qəbələ” komandası matçın hazırlıqlarına start verib. Sportnet.az-ın məlumatına görə, bu gün Qəbələ şəhər stadionunda bir araya gələn komanda üzvləri əvvəlcə fiziki hazırlıq keçib, ardınca toplu çalışmalara üstünlük verib.
Bir müddət komanda ilə məşq keçməyib "Sumqayıt”la oyunu buraxan Cavid Hüseynov da məşqə qatılıb. Hazırlıqlarda fizioterapiya kursu keçən Dodo və zədə səbəbindən müalicə olunan Ruslan Əmircanov iştirak etməyib. Roman Qriqorçukun yetirmələri oyuna qədər hazırlıqlarını Qəbələdə davam etdirəcək.
Qeyd edək ki, "İnter”lə Qəbələ şəhər stadionunda baş tutacaq oyun mayın 16-da keçiriləcək.
