Misli Premyer Liqasında 10-cu tur davam edir.
Sportnet.az xəbər verir ki, 2-ci oyun günündə 2 matç keçirilib. Əvvəlcə "Kəpəz" "Zirə"ni qəbul edib və 0:0 hesablı bərabərə qalıb. "Zirə" bu nəticədən sonra 20 xalla 1-ci pilləyə yüksəlib. 2-ci pillədəki "Qarabağ"ın da 20 xalı var.
Günün digər oyununda isə "Sumqayıt" "Sabah"ın qonağı olub və 1:3 hesabı ilə uduzub. Bununla da, "Sabah" ölkə çempionatında 7 matçdan sonra ilk dəfə qalib gəlib.
Qeyd edək ki, tura sabah keçiriləcək 1 görüşlə yekun vurulacaq.
21 oktyabr (şənbə)
18:00. “Sabah” – “Sumqayıt” - 3:1
Qollar: Suliman, 9 (0:1), Con İrasabal, 54 (1:1), Namik Ələskərov, 81 (2:1), Davit Volkov, 90+6 (3:1)
Hakimlər: Nicat İsmayıllı, Namiq Hüseynov, Şirmamed Mamedov, Kamal Umudlu
“Bank Respublika Arena”
15:00. “Kəpəz” – “Zirə” - 0:0
Hakimlər: Rauf Allahverdiyev, Kamran Bayramov, Eyyub İbrahimov, Kamran Əliyev
Tovuz şəhər stadionu
