PFL yarımçıq dayandırılan Misli Premyer Liqasının 18-ci turunun "Turan Tovuz" - "Araz-Naxçıvan" oyunu ilə bağlı qərarı açıqlayıb.
Sportnet.az PFL-in saytına istinadən xəbər verir ki, matçın təxirə salındığı və dekabrın 24-ü saat 12:00-da dayandırıldığı vaxtdan davam etdiriləcəyi bildirilib.
"Bu gün Misli Premyer Liqasının XVIII turu çərçivəsində keçirilən “Turan Tovuz” – “Araz-Naxçıvan” qarşılaşması 81-ci dəqiqədə güclü külək səbəbindən meydançanın işıq dirəyi aşdığına görə yarımçıq dayandırılıb. Peşəkar Futbol Liqası, hakimlər və klubların təcili iclasından sonra matçın 24 dekabr (sabah) saat 12:00-da dayandırıldığı dəqiqədən etibarən davam etdirilməsi qərara alınıb" - deyə açıqlamada qeyd olunub.
