Futbol üzrə Azərbaycan Kubokunda 1/4 final mərhələsinin daha bir cavab oyunu keçirilib.
Sportnet.az xəbər verir ki, günün ikinci matçında "Qarabağ" "Sabah"la üz-üzə gəlib.
Qarşılaşma paytaxt təmsilçisinin 4:3 hesablı qələbəsi ilə bitib. "Bayquşlar"da 5-ci dəqiqədə Kristian da Silva, 27-ci dəqiqədə Jarl Marqarita, 58-ci və 69-cu dəqiqədə (penaltidən) İshak Belfodil fərqlənib. "Köhlən atlar"ın qollarını 30-cu dəqiqədə Hamidu Keyta, 61-ci dəqiqədə Adama Diakabi vurublar. 74-cü dəqiqədə isə Maruan Hadudi avtoqol müəllifi olub.
76-cı dəqiqədə Riçar Aymeyda birbaşa qırmızı vərəqə alaraq meydan sahiblərini azlıqda qoyub.
İlk görüşdə 7:1 hesablı qələbəyə sevinən "Qarabağ" yarımfinala vəsiqə qazanıb. Komanda bu raundda "Neftçi" - "Sumqayıt" cütünün qalibi ilə görüşəcək.
Qeyd edək ki, daha əvvəl "Zirə" yarımfinala vəsiqəni təmin edib. 1/4 finalın digər cavab oyunları fevralın 9-da reallaşacaq.
-----------------------------
Azərbaycan Kubokunda yarımfinala yüksələn ilk komanda “Zirə” olub.
Sportnet.az xəbər verir ki, qəsəbə təmsilçisi 1/4 finalda “Səbail”i üstələyib.
İlk görüşdə səfərdə 2:1 hesablı qələbə qazanan Rəşad Sadıqovun kollektivi uğurlu çıxışını cavab qarşılaşmasında da davam etdirib. Rəqibini bu dəfə 3:0 hesabı ilə məğlub edən “Zirə” yarımfinala adlayıb. Komandanın qollarını Abbas İbrahim (4-cü dəqiqə), Rəhim Sadıxov (42) və Rafael Utziq (74) vurublar.
“Zirə”nin yarımfinaldakı rəqibi “Qəbələ” – “Araz-Naxçıvan” cütünün qalibi olacaq. Komandalar sabah cavab görüşünə çıxacaqlar. “Dalğa Arena”da gerçəkləşən ilk matçda 1:1 hesabı qeydə alınıb.
Qeyd edək ki, yarımfinal mərhələsinin oyunları aprelin 2-də və 23-də keçiriləcək.
-------------------------------------
Bu gün Azərbaycan Kubokunda 1/4 final mərhələsinin cavab oyunlarına start veriləcək.
Sportnet.az xəbər verir ki, ilk olaraq iki qarşılaşma keçiriləcək.
"Zirə" doğma meydanda "Səbail"i qəbul edəcək. Zirə İdman Kompleksinin stadionunda gerçəkləşən matç saat 17:00-da başlayacaq. İlk oyunda "qartallar" qələbə qazanıb - 2:1.
İkinci dueldə "Qarabağ" "Sabah"la üz-üzə gələcək. Tofiq Bəhramov adına Respublika Stadionunda baş tutacaq görüş saat 20:00-da başlayacaq. İlk oyunda Ağdam klubu 7:1 hesablı qələbəyə sevinib.
Azərbaycan Kuboku
1/4 final, cavab oyunları
8 fevral
17:00. "Zirə" - "Səbail" - 3:0
Qollar: Abbas İbrahim, 4, Rəhim Sadıxov, 42. Rafael Utziq, 74
İlk oyun - 2:1.
20:00. "Qarabağ" - "Sabah" - 3:4
Qollar: Hamidu Keyta, 30; Adama Diakabi, 61. Maruan Hadudi, 74 (avtoqol) - Kristian da Silva, 5. Jarl Marqarita, 27. Ishak Belfodili, 58; 69 (penalti)İ
Qırmızı vərəqə: Riçard Almeyda, 78 ("Qarabağ")
lk oyun - 7:1.
Qeyd edək ki, 1/4 final mərhələsinin digər cavab matçları fevralın 9-da keçiriləcək.
