Beynəlxalq Gimnastika Federasiyası (FIG) parkur növünü proqramına daxil edib.
Sportnet.az qurumun rəsmi saytına istinadən xəbər verir ki, bununla bağlı qərar FIG-in Bakıda keçirilən Konqresində qəbul olunub. 2017-ci ildə bu növdə sınaq xarakterli iki Dünya Kuboku yarışı baş tutub.
Parkur üzrə ilk dünya çempionatının 2020-ci il may – iyun aylarında təşkil edilməsi planlaşdırılır.
Qeyd edək ki, parkur - tullanma elementlərini istifadə etməklə maneələrin dəf edilməsi və yerdəyişmə sənətidir. FIG-in proqramında ümumi gimnastika, bədii gimnastika, ritmik gimnastika, idman gimnastikası, akrobatika və aerobika növləri yer alıb.
