Azərbaycanın idman gimnastları Oleq Stepko və Petro Paxnyuk 2016-cı il Rio-de-Janeyro Yay Olimpiya Oyunlarında təsnifat yarışlarına qatılıblar. Sportnet.az-ın məlumatına görə, hər iki idmançı kişilərin fərdi çoxnövçülük yarışlarında və ayrı-ayrı hərəkətlər üzrə mübarizə aparıb.
Fərdi çoxnövçülükdə Stepko 6 hərəkətin cəmində 86,208 bal toplayaraq, 20-ci yeri tutub və finala yüksəlib. Paxnyuk isə 84,215 balla 34-cü yeri tutaraq, mübarizəni dayandırıb.
Ayrı-ayrı hərəkətlərə gəlincə, onların nəticələri belə olub:
Sərbəst çıxışlar
41. Petro Paxnyuk - 14,133
50. Oleq Stepko - 13,900
İdman atı
13. Oleq Stepko - 14,975
35. Petro Paxnyuk - 14,233
Halqalar
47. Oleq Stepko - 14,033
59. Petro Paxnyuk - 13,600
Paralel qollar
18. Oleq Stepko - 15,300
51. Petro Paxnyuk - 14,166
Turnik
50. Petro Paxnyuk - 13,783
57. Oleq Stepko - 13,600
Ayrı-ayrı hərəkətlərin heç birində Azərbaycan təmsilçiləri finala yüksələ bilməyib. Fərdi çoxnövçülük üzrə final mərhələsi isə avqustun 10-da Bakı vaxtı ilə saat 23:00-da start götürəcək.
